Cikin wani sako da wani mai bincike a sararin samaniya Adamu Ya'u Dan Amerika ya wallafa shafinsa na Facebook ya sake jaddada matsayinsa kan cewa babu yankin Afirka da Gabashin Duniya cikin wadanda zasu ga wannan kusufi na rana da ake fada.
Inda ya nuna damuwarsa kan posting da mutane suke yadawa game da kusufin na rana yana mai cewa tabbas wannan rubutun akwai kusa-kurai a ciki domin kuwa ba duk Duniya wannan kusufi zai faru.
"Na fada muku na sake maimaita muku Banda Kasashen_Afirka da gabashin Duniya a batun Kushufin_Rana.
Akwai Posting din da Mutane suke yadawa akan #Zazzabin_Rana akwai #Kuskure a ciki, Saboda ba duka Duniya ba ne zai faru ba, a wani yanki na Kasar #Mexico ne kadai za su ga #Duhun na mintuna 4 da second 28, Sai wasu bangaren kasar #America da sauran su, su kuma za su ga Partial ne, wato za su ga cewa Rana ya cinye kusan Rabi wasu kuma Kwata wani waje kuma Dan kadan za su gani.
A cikin wannan Taswira za ku ga layin da Duniyar Watan zai bi, inda Kasar Mexico yake za ku ga cewa akwai wani Digo Baki to iya wajen ne za su ga Duhu gaba ki daya.sauran kuma sune za su ga Partial.
Jama'a da dama dai na cikin matsananciyar fargaba game da shi wannan kushufi da za'a yi a wasu bangarori na Duniya wanda tsawon shekaru ba'a ga irin sa ba.