SABON LABARI DAGA #NPFL
An tuhumi Katsina United da karya dokoki da ka’idojin #NPFL26 yayin wasan su na Matchday 12 da Barau FC a ranar Asabar.
An ce kulob ɗin ta kasa samar da tsaro mai kyau da ingantacce, lamarin da ya sa wasu mutane marasa izini suka shiga wuraren da aka hana shiga.
Haka kuma, Katsina United ta kasa tabbatar da halin kirki daga magoya bayanta, wanda ya kai ga cin zarafi ga ‘yan wasan Barau FC da jami’an wasan.
Magoya bayan Katsina United sun kuma jefa abubuwa masu haɗari cikin filin wasa, wanda hakan ya jikkata wasu ‘yan wasan Barau FC.
Bugu da ƙari, magoya bayan kulob ɗin sun nuna hali wanda zai iya bata suna da mutuncin wasan ƙwallon ƙafa.
Saboda haka, an yanke hukuncin cewa Katsina United za ta ci gaba da buga duk wasanninta na gida a filin wasa na Jos, kuma ba tare da masu kallo ba.
An kuma ci tarar kulob ɗin naira miliyan 1 (₦1,000,000) saboda jefa abubuwa cikin fili, miliyan 1 (₦1,000,000) saboda kasa kula da halin magoya baya, da miliyan 1 (₦1,000,000) saboda kawo abin kunya ga wasanni — jimillar tarar miliyan 3 (₦3,000,000).
Haka kuma, an ci su tarar naira miliyan 2 (₦2,000,000) saboda rashin samar da isasshen tsaro.
Baya ga haka, kulob ɗin za ta biya miliyan 2 (₦2,000,000) don kula da raunukan da aka samu da kuma miliyan 2 (₦2,000,000) saboda lalacewar motar ‘yan wasa da tsare jami’an wasa da ‘yan wasa na ƙungiyar baki bayan wasa — jimillar tarar miliyan 4 (₦4,000,000).
Katsina United tana da awa 48 daga ranar da aka fitar da sanarwar don ta iya yin ƙorafi (appeal) akan wannan hukunci.