ZABEN ANAMBRA: ‘Iya Kudin Ka, Iya Shagalinka
-‘Yan takara sun koka kan yadda a ake rige-rigen siyan kuriu.
Gaggan ‘yan takaran gwamnan Anambra daga musamman jam’iyyun adawa sun koka kan yadda yake tafka kasuwanci kuri’u a zaben Anambra dake gudana a halin yanzu a jihar Anambra.
Zaben wanda ake ganin zai yi zafi matuka ganin cewa gwamnan jihar Charles Soludo ba dan jam’iyyar APC bane.
Dan takarar shugaban kasa a LP,a zaben 2023, Peter Obi ya koka kan yadda ake ta hadahadar siyan kuri’u bayan ya kada kuri’arsa.
Ya ce lallai akwai gagarimar matsala idan aka ce haka za a ci gaba da gudanar da zabuka a Najeriya.
” Abinda zai baka takaici shine, talakawa da ke kukan ana zalintarsu, sune kan gaba wajen kasuwancin kuri’u. Wannan lamari akwai tashin hankali a ciki.
Haka shima dan takarar gwamnan na jam’iyyar APC, wand ake ganin da shine za a yi kare jini biri jini da gwamna maici, ya koka kan yadda cinikin kuri’u suka mamaye zaben.